Upernaviup Katersugaasivia
Upernavimmi katersugaasiveqarneq
Upernavimmi katersugaasiveqarneq pilersimavoq 1950-ikkut aallartilaarneranni Andreas (Suko)Lund-Drosvad Qallunaaq kalaallit Suko-mik taagungaat ukiorpassuarni Kangersuatsiamiissimasoq ilaatigut niuertorusiulluniLund-Drosvad Kæmner-iusorlu Knudsen suleqatigiinneratigut. Katersugaasivik pilerseqqaarnerani oqaluffitoqaq (Sysselråd-it ataatsimiittarfiat) Sysselråd-it atorunnaarsinneqarneratigut ataatsimiittarfittut atorunnaartoq qinnutigisimavaat katersugaasivittut atorneqalissasoq.
Katersugaatinik saqqummersitassanik immerniarneqarnerani Suko-p nammineq katersarisimasani katersugaasivimmut tunissutigisimavai.
Katersuangaatissanillu piniarnermikkut ilaatigut Upernavik Kujallermiik umiaq pissarsiarisimavaat, taannalu immikkut oqaluttuassartaqarpoq: Taakkua umiaq umiaasamik taarserlugu pissarsiarisimavaat kalillugulu Upernaviliaassimallugu, tassaniittorlu Danmark-imit professor tikissimavoq, taannalu professor inuuvoq qaffasissoq naalagaajumasorlu. Taannalu oqarpoq: Umiaq taanna Danmark-imut ilinniarfissuarmut suliffigisannut nassiussiuk! Soorunalu nangartungassaanngimmat umiaq taanna nassiussimiavaat. Ukiulli ingerlanerini ilinniarfissuaq taanna allanut katittarlunilu avissaartarpoq umiaq taanna ujaruminaassitillugu. Kiisamilu 1997-mi taamanikkut katersugaasivimmi ingerlatsisup Pauline Knudsen-ip museum-imi nassaaringamiuk utertinniarsarilerpaa taamalu Royal Arctic Line akeqanngitsumik assartornera sponsoriuffingalugu.
Katersugaasiveqarnermi aamma immikkut taanngitsuungassaanngilaq Christoffer Kleemann ukiorpassuarni, allaat utoqqanngoraluarluni ingerlanniarsimavaa. Christoffer Kleemann-ip ilaatigut Upernavimmi katersugaasiveqarneq pillugu KNR-imut oqaluasaarutai Katersugaasivimmittaaq tusarnaaneqarsinnaapput.
Assit aamma katersugaasivimmi isiginnaarneqarsinnaasut amerlanersaat Kalaallit Nunaata Qarasaasiatigut Assinik Toqqorsiviani takuneqarsinnaangaluartut ilaat suli tassunga ilineqarsimanngillat. Assinik isiginnaarneq katersugaasivimmi aamma periarfissaavoq.
Nittartakkap aqqa : Upernivik
Illoqarfik Upernavik siornatigut kalaallinit Upernivimmik taaneqartarsimavoq, taamaattumillu Upernaviup katersugaasiviata nittartangaanut tulluartissimavarput atortissallugu.
Tamannalu Upernaviup Uperniviullu eqqartorneqarnerat sukumiinerusumik paasisaqarfingerusukkukku Qupperneq: Upernavik-Upernivik takujuk.
Upernaviup Katersugaasiviata ilisarnaataa:
Inuusaq qiperugaq Qattarmiuni 1968-mi nassarineqarnikuuvoq, maannalu katersugaasiviup katersaataanut ilaalluni. Titartaasuuvorlu Kullorsuarmi ilinniartitsisuusimasoq Hans Schack-Nielsen.
Illoqarfitoqaq
Upernaviup Katersugaasiveqarfia illoqarfiup pisoqartaani inissisimavoq. Tamannalu niuertoqarfittut pilersinneqaqqaarmalli ukiumi 1772-imi tassunga inissinneqarsimavoq, umiarsualiviginnera sila qanorikkaluartumiluunniit imaq ajorneq ajormat tassani.
Illoqarfitoqaq ullumikkut kommunalbestyrelse-p aalajangigaannik eqqissisimatitaavoq eriangineqartuartussaallunilu.
